Sorry kein Player

Kurznachrichten

13.01.2018

Unfall: z Tüüfe tätscht gester Nomittag ä Auto id Appezeller Bahne. Dä 62jöhrig Autofahrer übersieht bim Abbüge dä Zug wo grad usem Bahnhof usfahrt. Dä Lokifüehrer cha d Kollision nüme verhindere. Verletzt wird niemert, beidi Fahrzüüüg werded aber beschädiget. Büesst: S Kantonsspitol St.Galle hät luut Recherche vo Newsnet sini Meldepflicht verletzt. S Spitol söll mehfach minderwertigs Material binnere Zuger Firma bstellt ha. So seged zum Biispiel rostigi und verbogeni Kanüle zum Bluet absuge glieferet worde. S Spitol häts Material zwor nie igsetzt, d Mängel aber au nöd dä Ufsichtsbehörde Swissmedic gmolde. Für das gits ä Buess vo 5000 Franke, höcher dörf d Swissmedic luut Gsetz nöd büesse Elteretaxis: Wied St.Galler macht jetzt au d Thurgauer Polizei Jagd uf Eltere wo ihri Chind mittem Auto id Schuel bringed. Diversi Schuele händ scho gmolde, dases wäg dä viele Autos und dä Manöver uf engem Ruum immer wieder zu gföhrliche Situatione chunt. Teilwiis werded Chind id Schuel gfahre, obwohls nur ä paar Meter müessted z Fuess go. Will debi au Verchehrsregle verletzt werded wött d Kantonspolizei Thurgau nüme länger zueluege und isch sit Afangs Johr meh vor Schuelhüüser präsent.

twitterfacebookmaillinkBeitrag speichern Beitrag speichern