Logo tvo

Logo tvo


Pfeil und Bogen

Sorry kein Player

11.09.2016

Für üsen nöchste Biiitrag gönnd mir nöd in wilde Weste sondern is wilde Balterswil im Thurgau. Indianer häts dött zwor kei, trotzdem isch dött das Wuchenend scharf gschosse worde. Die beste Bogeschütze vo dä Schwiiiz händ dött ihren Meister gsuecht. Und d Ostschwiiizer händ ganz vorne mitgschosse. Dä Niko Tomsic trifft wiedermol is Schwarze. Dä Romanshorner isch amtierende Weltmeister im Bogeschüsse und ein vo dä ganz grosse Näme do bi dä Schwizermeisterschafte z Bichelsee-Balterswil. Obwohl er 100% ime Altersheim schafft und erst vor 7e Johr mittem Sport agfange hät, ischer us Weltelite nüme wegzdenke. Quote d Schwiiizermeisterschaft do z Bichelsee-Balterswil isch Für Niko Tomsic und die andere 150 Bogeschütze isch öppis ganz speziells. Zum erste Mol wird nöd nur i Wald und Wiese gschosse sondern au zmitzt im Dorf. Fürs OK ä riese Useforderig Quote En Ufwand wo sich lohnt, soviel Schütze wie da Johr händ no nie a dä Schwiiizermeisterschafte mitgmacht. Zmitztdrin i dä Elite schüsst au die 15jöhrig Elaila Eberhard. Für sie isch dä Alass ä Heimpiel, d Juniore-Europameisterin chunnt us Bichelsee-Balterswil selber. Do tritt sie aber bi dä Erwachsene a und söttis nöd ganz fürelangt, hofft sie dass sie vo Schütze wie äm Niko Tomsic zumindest öppis cha lerne. Quote Allgemein gots bi dä Bogeschütze extrem fründschaftlich zue und her, schliesslich sinds au zwei Täg lang zämä underwegs. Nur denn wenn dä Boge gspannt isch, isch jede churz i sinnere eigene Welt, zumindest solang bis dä Pfiiil is Schwarze trifft.

  • TVO AG
  • Bionstrasse 4  |  Postfach  |  9001 St.Gallen
  • Pikett-Telefon 071 313 00 88
  • Für aktuelle Meldungen ausserhalb der Geschäftszeiten!
tvo Logo

Copyright © 2013 TVO AG – ein Unternehmen der Tagblatt Medien.
Alle Rechte vorbehalten.