Logo tvo

Logo tvo


Schützenfest

Sorry kein Player

07.09.2016

Schützenfest; FCSG macht Traumelf keine Geschenke Anmodi: Sie hend sich mit de ganz Grosse wöle messe und sind grandios gschiiteret. E Traumelf us Hobby-Fuessballer verlüürt es Fründschaftsspiel gege de FC St. Galle gad mit 0:21. De Super League-Klub het zwor kei Gschenk verteilt, als Sieger hend sich d’Amateure gester Obig z’Goldach aber trotzdem dörfe fühle. Dominic Ledergerber Die 20 Hobbyfuessballer hends also wöle wüsse. Insgesamt sechs Wuche het sich d’Traumelf ufs Chräftemesse mitem FC St. Galle vorbereitet, gester Obig in Goldach isches denn endlich sowiit gsi. Am St. Galler Kantonalbank Cup isch für de Heruusforderer en Traum in Erfüllig gange. QUOTE Martin Oswald, Hobbykicker und Online-Projektleiter Trainiert worde isch d’Traumelf vode beide FCSG-Assistenztrainer Martin Stocklasa und Daniel Tarone. QUOTE Daniel Tarone, Cheftrainer «Traumelf» De FC St. Galle het also gwüsst, was uf ihn zuechunnt. Und so het de Joe Zinnbauer au sini Stammelf is Renne gschickt. QUOTE Joe Zinnbauer, Trainer FC St. Gallen Gspannt gsi sind au di rund 1000 Zueschauer, wo de Weg uf d’Sportaalag Chellä gfunde hend. Hend d’Hobbyfuessballer gege de Super League-Klub würkli e Chance? Die Frog isch nebesächlich. Für vili goht scho bim Iilaufe mit de Stars en Traum in Erfüllig. I de Startphase cha de Ussesiiter de Schade no halbwegs in Grenze halte. Denn aber schloht de FC St. Galle eis ums ander Mol erbarmigslos zue. QUOTE Sepp Peterer, Heizungsmonteur aus Appenzell Sportlich sind d’Fronte also sehr schnell klärt. De FCSG schüsst eis Gool nochem andere und das freut au de Präsident Dölf Früäh, wo hüt für eimol en ganz normale Stehplatz het. S’Schlussresultat vo 0:21 überforderet denn sogar d’Aazeigetafle. Trotzdem isches es unvergesslichs Erlebnis gsi – wenn au miteme Wehrmuetstropfe. QUOTE Edgar Herzog, 49-jähriger Veteran beim FC Staad Au wenn de Traum vom Ehregool nöd in Erfüllig gange isch. D’Kicker vode Traumelf werded wohl no ihrne Enkelchind verzelle, dass sie’s mitem grosse FC St. Galle ufgnoh hend.

  • TVO AG
  • Bionstrasse 4  |  Postfach  |  9001 St.Gallen
  • Pikett-Telefon 071 313 00 88
  • Für aktuelle Meldungen ausserhalb der Geschäftszeiten!
tvo Logo

Copyright © 2013 TVO AG – ein Unternehmen der Tagblatt Medien.
Alle Rechte vorbehalten.